ឯកឧត្តមកិត្តិនីតិកោសលបណ្ឌិត ម៉ុម ជឹមហ៊ុយ បានអញ្ជើញចុះជួបសំណេះសំណាល និងពិនិត្យការដ្ឋានសាងសង់បណ្ណាល័យចំនួនមួយកន្លែង ស្ថិតនៅក្នុងសាលាបឋមសិក្សាបឹងក្អែក ភូមិបឹងក្អែក ឃុំពាមមានជ័យ ស្រុមពាមរក៍ ខេត្តព្រៃវែង
![](https://senate.gov.kh/wp-content/uploads/2023/03/09-03-2023-24.jpg)
ព្រឹកថ្ងៃពុធ ២រោច ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៨ ខែមីនា ឆ្នាំ២០២៣ ឯកឧត្តមកិត្តិនីតិកោសលបណ្ឌិត ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងលោកជំទាវ ព្រមទាំងក្រុមគ្រួសារបានអញ្ជើញចុះជួបសំណេះសំណាល និងពិនិត្យការដ្ឋានសាងសង់បណ្ណាល័យចំនួនមួយកន្លែង ស្ថិតនៅក្នុងសាលាបឋមសិក្សាបឹងក្អែក ភូមិបឹងក្អែក ឃុំពាមមានជ័យ ស្រុមពាមរក៍ ខេត្តព្រៃវែង ដែលជាអំណោយដ៏ថ្លៃថ្លារបស់ក្រុមគ្រួសាររបស់ឯកឧត្តមប្រធាន។ ការផ្តល់ជូនបណ្ណាល័យនាពេលនេះ គឺជាការរួមចំណែកជាមួយរាជរដ្ឋាភិបាល ក្នុងការកសាង និងលើកស្ទួយវិស័យអប់រំ ដើម្បីរួមចំណែក្នុងការបណ្តុះបណ្តាលធនធានមនុស្ស និងអភិវឌ្ឍន៍ប្រទេសជាតិយើងឱ្យកាន់តែរីកចម្រើនជាបន្តបន្ទាប់។ ម៉្យាងទៀតដើម្បីតបស្នង ដឹងគុណ និងឧទ្ទិសកុសលដល់ដួងវិញ្ញាណក្ខន្ធលោកឪពុក ចាន់ សាមី និងអ្នកម្តាយ ម៉ម មឿន ដែលបានខិតខំពុះពារនាពេលកន្លងមក កសាងវត្តនិងសាលាបឋមសិក្សាបឹងក្អែក ទុកជាកេរ្តិ៍តំណែលរាងរហូតមក។ សូមបញ្ជាក់ថាបណ្ណាល័យនេះនឹងដាក់សម្ពោធឱ្យប្រើប្រាស់ជាផ្លូវការនាពេលឆាប់ៗខាងមុខនេះ។